स्नेहसूत्रम्

बालातपमयूखो'स्ति विप्रकर्षेण मंजुलः !

संनिधेः परकाले तु तस्मात्पराजयेत हि !! १ !!

कूले' र्हणनिदानो हि सुदुर्मेयपयोनिधिः !

तरते मध्यभागे तु त्रासानुभवसम्भवः !! २ !!

मधुसुमानि शोभन्ते मुकुलितानि निष्कुटे !

किंतु लूनानि शीर्यन्ते मण्डनाय निकेतने !! ३ !!

स्वर्गभ्रान्त्या प्रपद्यन्ते विचित्राशा दवीयसीः !

सम्पाद्यते'पि तत्रैव त्रिविधवेदनादशा !! ४ !!

मृगयुध्वनितातोद्यचारुस्वरविलोभितः !

कृष्णसारो यमग्रस्तो यदा तमनुवर्तते !! ५ !!

स्मिततारुण्यसम्पन्नकान्तिमूर्तिकुमारिका !

विकृतरूपसंजाता सैव द्रुतं सुवासिनी !! ६ !!

अन्तःकरणनिष्पन्नप्रणयविषयस्तथा !

आदरपात्रमेवास्तु दूरे'न्यन्न कदाचन !! ७ !!

वरमपूरिताभिष्टस्वच्छ्न्दघटिताहतिः !

न च कृतार्थसंकल्पो यदाशाभंगकंटकम् !! ८ !!

वरं पूर्वगतावृत्तिविदितचिरयातना !

न च तद,भूमिकाध्वान्तवल्गनापूर्ववेदना !! ९ !!

कृष्णवर्त्मस्वभावो हि यथाविश्रान्तप्रोषणम् !

प्रसक्तगलनं शीलं तथा विकलचेतसः !! १० !!

अधिगमनचिन्तादाववेक्षणोद्यमस्ततः !

अन्ते व्योगखेदश्च त्रिगुणक्लेशदा स्पृहा !! ११ !!

कृत्स्नेप्सितानि विस्मृत्य तज्जातापेक्षणानि च !

स्मरेत्तु कमलाक्षस्य निर्वातकदले पदे !! १२ !!

अनुष्टुप,(पथ्या) छंदः